தமிழ்மணம் , தமிலிஷ் -ஓட்டு வியாபாரம்

                                  இந்திய நாட்டு அரசியல் மத்தியில் பி.ஜே .பி இல்லனா காங்கிரஸ் . தமிழ்நாட்டில் தி .மு .க இல்லனா அ.தி.மு.க . இத விட்டா நமக்கும் வேற வழியில்ல . புதுசா ஒரு கட்சி யாராவது ஆரம்பிச்சா அது நல்ல விசயங்களுக்கு போராடினாலும் நாம் அதற்க்கு எந்தளவு ஆதரவு குடுப்போம் ? மக்களிடம் அதன் நல்ல விசயங்களும் , கொள்கைகளும் எந்த அளவில் சென்றடையும் ? . சில வளர்ந்த பெரிய கட்சிகளுக்கே அடிமை ஆகிவிட்ட நாம் புதியவர்களின் வரவை மிகப் பெரிதாய் கண்டுகொள்ள மாட்டோம் . இதே நிலைமையே பதிவுலகத்திலும் அரங்கேறிக்கொண்டிருக்கிறது . ஒன்னுமில்லா பதிவு ஒரு பத்து வரியில் எழுதிருக்கும் பதிவுகளுக்கு கிடைக்கும் ஓட்டுக்களும் , அதற்க்கு வரும் பின்னூட்டங்களும் இதற்குச்  சான்று . சில பின்னூட்டங்களை அடிச்சுக்கவே முடியாது , உதாரணம் : அருமை , நன்று ,  :-))))))))))), :-((((((((((((((((( , சொல்றதுக்கு ஒன்னும் இல்ல இன்னும் பல . தமிழ்ல வார்த்தை பஞ்சமா ?                            
                               பல அறிமுக எழுத்தாளர்கள் நல்ல நல்ல பதிவுகள் எழுதிருப்பாங்க , கம்ப்யூட்டர் டெக்னாலாஜி , உலகத்தின் எங்கோ ஒரு மூலையில் நடந்த , நடக்கும் நிகழ்வுகள் , வரலாற்று உண்மைகள் என்று இப்படி வரும் பல பதிவுகள் சீண்டுவாரின்றி காத்து  வாங்கும். அதற்க்கு விழும் ஓட்டுகளும் மிகக் குறைவே . தமிழ்மணம் , தமிளிஷ் பாபுலர் பக்கத்துக்கு போக குறைந்தது பத்து ஓட்டு . நூறு பேரு வந்து படிச்சாலும் ஓட்டு போடுறவங்க மிகக் குறைவு . பதிவுலகம் வந்த கொஞ்ச நாள்லயே புரிஞ்சது கட்சியில் சீட்டு வாங்க ஒரு பத்து பேர காக்கா புடிக்கணும் ,இங்க  பாபுலர் பக்கத்துக்கு போக நாமலும் ஒரு பத்து பேர்கிட்ட நல்ல ஒரு உறவை மேம்படுதிக்கணும் . எனக்கு நீ ஓட் போட்டியா ? நீ என்ன எழுதினாலும் பரவாயில்லை அத படிககுறோமோ இல்லியோ நன்றி உணர்ச்சி ஓடிப்போய் ஒரு ஓட்ட குத்திரனும் . அப்படியே அருமைனு ஒரு கமெண்ட் போட்டு வந்துடனும் . நாம என்ன கிறுக்கினாலும் பாபுலர் பக்கம் கன்பார்ம் . இப்போ புதுசா மார்க்கெட்டிங் மெயில் வேற . அப்புறம் ஒவ்வொரு பதிவு முடிவிலும் மறக்காம ஓட்டு போடுங்கனு இலவச இணைப்பு மாதிரி ஒரு வரி . ஏன் இப்படி ?  பிறர் ரசிக்குற மாதிரி எழுதிருந்தா கண்டிப்பா ஓட் பண்ணுவாங்க .
                                சன் டிவி வாங்குற படம் மட்டும்தான் ஓடும்னு இல்ல . பசங்க , சுப்ரமணியபுரம் என்று நியாயமான மக்கள் விளம்பரத்தால் ஆதரவால் ஓடிய படங்கள் பல . அப்புறம் இந்த தமிழ்மணம் மகுடம் பத்தி சொல்லியே ஆகணும்.சில பேர் எழுதுற பதிவுகள் மட்டும் தொடர்ந்து மகுடத்தில் இருக்கும் , அறிவுபூர்வமான பல நல்ல பதிவுகள் மகுடம் எங்க ஒரு படி கூட ஏறி இருக்காது .அந்த மகுடப் பதிவுகளைப் படித்தால் அப்படி ஒன்றும் பிரமாதமாய் இருக்கும் என்று சொல்ல முடியாது . போன வாரம் மகுடத்தில இருந்த பதிவுகளைப் பார்த்தா ரத்தக் கண்ணீரே வந்திடும் போல . எல்லாம் நித்யானந்தம் பற்றிய பதிவுகள் என்ன கொடுமை இது ? மெகா பட்ஜெட் படம் வெளியான குறைந்த பட்ஜெட் படங்கள் வெளியாவது கொஞ்ச நாள் தள்ளி போடுவது போல் இந்த நித்யா ஜூரம் முடியட்டும்னு எத்தனை பேர் காத்திருந்தாங்களோ தெரியல . ஒரு விஷயம் கிடைச்சா போதும் அலசல் , எனது பார்வை , போர்வைன்னு படிச்சு முடியல ஒரு கட்டத்துல வெறுத்து போய் 2  நாள் தமிளிஷ் பக்கமே வரல .

                                    அரசியல்வாதிங்க  பணம் குடுத்து ஓட்டு கேக்குறாங்க . இங்க ஓட்டு போட்டு ஓட்டு கேக்குறோம் . அரசியலுக்கும் பதிவுலகதிர்க்கும் வித்தியாசம் ஒன்னும் இல்ல .என்ன அதுல பல பேர் படிக்காத வெள்ளை வேட்டி , இங்க படிச்ச கலர் சட்டை அவ்வளவுதான் வித்தியாசம் . தயவு செஞ்சு இனிமேலாவது பிடிச்ச உங்கள பாதிச்ச பதிவுகளுக்கு ஓட் பண்ணுங்க அதை எல்லாருக்கும் அறியச் செய்ங்க .மகுடத்திலும்,பரிந்துரையிலும்  கண்ட கண்ட குப்பைகளை ஏற்றாதீர்கள்.நீங்கள் செய்தவதை பார்த்து ஏழு ஓட்டுகளுக்காக நிறைய கும்பல்கள் வரலாம்.நன்றாக  பதிவு  எழுதும் யாரும் ஓட்டுக்காக அலைவது இல்லை. அரசியல்வாதிகளையும் ,நித்தியானந்தனையும்  விமர்சிக்கும் நாம் ஓட்டுக்காக கடை நிலை அரசியல் செய்கிறோம்.பிடிச்ச ஆளுங்களுக்கு ஓட் போடுற பழக்கத்த விடுங்க . நமக்குள்ள பெரிய கூவம் நதியையே வச்சுக்கிட்டு அடுத்த தெருவுல போற சாக்கடைய பத்தி பேசக் கூடாது . இந்த நிலை நீடித்தால் புது கட்சி ஆரம்பித்த உடனே மூடுவிழா காண்பது போலவே புதியவர்களின் வரவும் இருக்கும் .