தண்ணீரும் கண்ணீரும்

சாவுக்கும் வெளிவராத நீ
ஒரு சொல்லுக்கு மட்டும்
திரண்டு வருவதேன் ?

வெளிவரும் வேகம்தனில்
இரு கரை தொட்டு
புரண்டோடுவதேன் ?

மீண்டும் வருகையில் சொல்
நானும் உன்னுடனே வருகிறேன்

வழியினில் மூர்ச்சையாகிப்
போகையிலும்  உன் சிரிப்பொலி
மட்டும் என் காதுகளில்
தொடர்ந்து ஒலிக்கட்டும்
சங்கமம் வரையிலும்  .....

***************************************
பல நேரக் குளியல்களில்
தண்ணீரோடு சோர்வுகளும்
சோப்பு நுரைகளும் போகலாம் !

சில நேரக் குளியல்களில்
தண்ணீரோடு சோகங்களும்
கண்ணீரும் போகலாம் !