சென்னையில் இந்த டிரைனேஜ் சிஸ்டம் சரிவர செயல்பட முடியாமல் இருக்க காரணம் என்ன ? நாம பயன்படுத்துற பாலிதீன் கவர்கள் . அப்படியே போற போக்குலயே எனக்கு என்னனு வீசிட்டு போவோம் . அது அப்படியே பறந்து போய் சரியா திறந்திருக்கும் சாக்கடை வாய்க்கால்களில் விழுந்து மெல்ல நகர்ந்து டிரைனேஜ் உள்ள போய் நல்லா லாக் ஆய்டும் . இதனுடன் சில திட பொருட்கள் எல்லாம் நாம அனுப்புறதுதான் . மருத்துவமனை கழிவுகள் (ஊசி , மருந்து பாக்கெட் , சில சமயங்களில் வெட்டிய உறுப்புகள் ) எல்லாம் இதுக்குல்லேதான் வரும் . இந்த டிரைனேஜ் சிஸ்டம் இல் திடக்கழிவுகள் என்று சொல்லப்படுவது கழிப்பறையிலிருந்து வெளியேற்றப்படும் மனிதக் கழிவுகள் மட்டுமே . ஆனால் நாம் இந்த டிரைனேஜ்ஜில் அனுப்பும் திடக் கழிவுகள் நான் சொல்லி தெரிய வேண்டியது இல்லை .
"Sustainable Development " இருக்கிற இயற்கை வளங்களை நமக்கு பின் வரும் சந்ததியனருக்கு demand வராத வகையில் பயன்படுத்த வேண்டும் .நாம பயன்படுத்துற லட்சணத்துக்கு நமக்கே பற்றாக்குறைதான் . நவம்பர் மாதங்களில் வீணாய் கடலில் கலக்கும் தண்ணீர் என அரசியல்வாதிகள் விடும் ஸ்டேட்மென்ட்கள் நம்மூர் பத்திரிகைகளில் தலைப்பு செய்திகளில் அலங்கரிக்கும் . இது நவம்பர் மாத வருடாவருட சிறப்பு செய்திகள் . நாம வழக்கம்போல் ரோட்டிலே தேங்கி நிற்கும் குட்டைகளைப் பார்த்து அரசை குத்தம் சொல்லி பேசிட்டு போயிட்டே இருப்போம் . முடிந்தவரை நாம் நமக்காவது நல்லது செய்வோம் . நம்மை சுற்றி சரி பண்ண எவ்வளவோ விஷயங்கள் இருக்கு . பேருந்தின் வாசலிலேயே நின்றுகொண்டு அடுத்தவர்களுக்கும் வழி விடாமல் அடுத்து இறங்கனும் என்று சொல்லியே நான்காவது இறக்கத்தில் இறங்கும் சுயநல மனிதர்கள் தான் நாம் .
பி.கு.எப்போதோ படித்தது பாலிதீன் பைகள் மட்கி போக எடுத்துக் கொள்ளும் காலம் பதினைந்து லட்சம் ஆண்டுகள் .
