சமையலோ சமையல் - வாழைப்பூ செய்முறை படங்களுடன்

"சமைக்கிறதுக்கு   எதுவாவது வாங்கிட்டு வாடி " 

பேச்சு மட்டும் சூப்பரா இருக்கும் , சரி பிரெண்ட்ஸ் கேக்குராங்கலேன்னு கீரை வாங்கிட்டு "போனோமோ எனக்கு கீரை சமைக்க தெரியாது" . அப்புறம்  என்ன நாயை அடிப்பானேன் .............அந்தக் கதைதான் . வாங்கிட்டு போன பொருளை அழிக்கவா முடியும் கடனேன்னு அப்புறம் உக்காந்து  செய்யணும் . இந்தக் கொடுமைதான் வாழைப்பூ கதையிலும் நடந்தது . ஏதாவது உருப்படியா புதுசா சாப்பிடலாம் என்று இரண்டு வாழைப்பூ செய்வாய் அன்று வாங்கிட்டு போனேன் . பிரெண்ட்ஸ் ரொம்ப ஆர்வம் இது எப்படி செய்யணும் எப்படி மடல் கலட்டனும்னு ரொம்ப ஆர்வமா கேட்டாங்க நானும் சொல்லிக் குடுத்துட்டு இது மட்டும் செய்து வைங்க நான் சாமி கும்பிட்டுட்டு வரேன் என்று அண்ணன் தம்பிகளுக்கு (பிள்ளையார் , முருகர் ) பூ கூட போட்டு முடிக்கல ஹால் வந்து பார்த்தா மடல் கலட்டறேன்னு பூவும் சேர்த்து கழட்டிட்டு இருக்காங்க . நீங்க கலட்டினது எல்லாம் போதும் ஆணியே புடுங்க வேணாம் மிச்ச ஆணியையும் நானே ................... வேடிக்கை மட்டும் பாருங்க மக்களே . எங்கே கேட்பாங்க இல்ல இல்ல நாங்க செய்றோம் என்றதும் அடுத்து டெமோ குடுத்தேன் வேற வழி.குடுத்த டெமோ நல்லா வேலை செஞ்சது .

 

உறிக்கிறது வேற யாரு என் பிரெண்ட்தான் டெமோ வேலை செய்தது .

இது நான்தான் பிரெண்ட் உரித்ததும் மேலே இருக்கும் மொட்டு தனியாக குழம்பிற்கு எடுத்து வைத்துவிட்டு பொரியல் செய்ய மீதம்  இருக்கும் பகுதியின் நரம்பு எடுக்கும் இடம் .

 

 நரம்பு வந்துடுச்சு . தனித்தனியா உதிர்த்து போட்டு எடுத்தால் நேரம் அதிகம் எடுக்கும் .

 

குழம்பு ரெடி . இதன் செய்முறை விளக்கம் வாழைப்பூ மொட்டு குழம்பு -மீன்குழம்பு வடிவில்

பொரியல் - செய்முறை விளக்கம் 

சின்ன வெங்காயம் ஒரு நான்கு , கொஞ்சம் சின்ன சீரகம் , வத்தல் (காய்ஞ்ச மிளகாய் ) காரத்துக்கு ஏற்ப , தேங்காய் துண்டு எல்லாம் போட்டு மிச்சியில் தண்ணீர் விடாமல் ஒரு இரண்டு சுத்து உதிரி மாதிரி வந்ததும் எடுத்துடலாம் . எல்லா பொரியல் பண்ணுகிற மாதிரியே எண்ணெய், கடுகு , கறிவேப்பிலை போட்டு பின்னர் நறுக்கி வைத்த சின்ன வெங்காயம் கொஞ்சம் போட்டு வதக்கிய பின்னர் வெட்டி வைத்த வாழைப்பூ போட்டு உப்பு கொஞ்ச சேர்த்து வதக்க பாதி வெந்ததும் மிச்சியில் அடித்ததை போட்டு பச்சை வாடை போகும் வரை வதக்கினாலே போதும் . நடுவில் டேஸ்ட் பார்த்து உப்பு காரம் சேர்த்துக் கொள்ளலாம் பொரியல் ரெடி .

 எல்லாம் இனிதே முடிந்து வாழைப்பூவின் அருமைகளை எடுத்துச் சொல்லியவாறே சாப்பிடுகையில் அடுத்த ஆப்பு ரெடி ஆனது .

பிரெண்ட் 1: வர போற என் வீட்டுக்காரனுக்கு இதெல்லாம் சமைக்க தெரியுமா ? 

அடிப்பாவி நீ சமைச்சு போடுவியா .......... என்ன ஒரு எதிர்பார்ப்பு வர்றவன் செத்தான் . - நானு 

 

பிரெண்ட் 2: வர்றவன் இந்த மாதிரி ஏதாவது சமைக்க சொன்ன மதார் வீட்டுக்கு அடிக்கடி ட்ரிப் போட்டுற வேண்டியதுதான் .

விளங்கும் உனக்கு கூட இருக்குற பாவத்துக்கு உனக்கு செஞ்சி போட்டா உன் குடும்பத்துக்கே சமைச்சு போடுறேனே . நீ தென் சென்னைனா நான் வட சென்னைலதான் வீடு பார்ப்பேன் . 

மேலே சம்பாசனை பார்த்து பிரெண்ட்ஸ் என்னவோ அமெரிக்கா லண்டன் என தப்பா எடை போட்டு விட வேணாம் எல்லாம் மானூர்லயும் தேனூர்லயும்  பொறந்த மக்கள்தான் .