பெரியபையன் என் பக்கத்துல இருந்துகிட்டே சின்னவனை பத்தி குறை சொல்ல அவன் "எலேய் பொய் புளுவாதல்ல " என்று சொல்ல என்னால திருநெல்வேலி வரும்வரை சிரிச்சு முடியலை .
அடுத்து பஸ் பயணம் , பஸ்ல பாட்டு அவ்வளவு சத்தமா வச்சுக்கிட்டு நடத்துனர் கத்தி கத்தி டிக்கெட் கேட்க ஏன் இவ்வளவு சத்தமா முதல்ல பாட்டு வைக்கணும் என்று இருந்தது . கொஞ்ச நேரம் போனபிறகு பின்னாடி இருந்து ஒரே சத்தம் ஒரு பையன் "யோவ் டிரைவர் பாட்ட நிறுத்துயா " என்று சத்தம் போட நடத்துனருக்கும் அவனுக்கும் சிறு வாய்த்தகராறு வர ஒருவழியாய் பாட்டை நிறுத்தியாச்சு . சரி ஒரு தொல்ல விட்டதுன்னு நிம்மதியா இருந்தா பஸ் காவல் நிலையம் முன்பு நிறுத்தி அந்த பையனை போலீஸ் கிட்ட ஏதோ பெரிய தகராறு பண்ணா மாதிரி நடத்துனர் புகார் சொல்றாரு . நடந்தது இதுதான் அந்த பையனுக்கு மொபைல் ல பல முறை கால் வந்திருக்கு அவனால பாட்டு சத்தத்துல பேச முடியாம கஷ்ட படவே பாட்டை நிறுத்த சொல்லிருக்கான் . இதுக்கு காவல் நிலையம் போகனுமா ? பையனும் இதை கொஞ்சம் பதினெட்டு வயசு முறுக்குல நறுக்கென்று சொல்ல அங்கிருந்த பெண் போலீஸ் " என்னல நானும் பார்த்துட்டே இருக்கேன் பெரிய ம_ _ கணக்குல பேசிகிட்டு இருக்க " என்று சவுண்ட் விட ஐயோ பாவம் பையன் கூடகொஞ்சம் வாய்துடுக்குல பேசி அடி வாங்கிட கூடாதே என்று இருந்துச்சு . நல்ல வேலை பையன் அப்புறம் கொஞ்சம் நிதானமாவே பேசிட்டான். அரசுத்துறை அரசாங்க ஊழியர்களுக்கே ஆதரவுக் குரல் குடுப்பது எப்போ நிற்கும்னு தெரியல .
*************************************************************
ஊர் திருவிழா , பல வருடங்களுக்குப்பின் இந்தமுறை ஒருவழியா போயிட்டேன் . ஊர்ல நிறைய மச்சான்ஸ் உண்டு அதிலும் ஒருத்தர் அவ்வளவு பாசம் . கோவிலில் வைத்து "என்னக் கொழுந்தியா எப்போ வந்த ? " நானும் " ம் வந்தாச்சு, யோவ் மச்சான் இலை குடும் " பஞ்சாமிர்தம் வாங்கத்தான் . கோவிலில் இருந்து வரும் வழியில் மீண்டும் அதே மச்சான் " கொழுந்தியா நாளைக்கு நம்ம வீட்லதான் உனக்கு சாப்பாடு என்ன சமைக்க? " , "பிரியாணி செய்யும்வே சாப்ட்டு ரொம்ப நாள் ஆச்சு " , " ஆகட்டும் கண்டிப்பா வந்துரனும் " சரின்னு சொல்லிட்டு வந்தேன் ஆனா போகல . அடுத்தமுறை என்னை பார்க்கும்போது திட்டு இருக்கு . ஊருக்கு போனாலே அதுவரை சென்னை மக்களுக்காய் பேசிய வாய் ஊராரை பார்த்தாலே நம்ம பேச்சு தன்னால சரளமா வருது . இந்த மச்சான் குடும்பம் எங்க வீட்டு பெரியவங்க கிட்ட வேறொரு பிரச்னை மூலம் பேச்சுவார்த்தை இல்லை . ஆனா என்கிட்ட இதுவரையிலும் குடும்ப சண்டையை அவர் குடும்பம் காமிச்சது இல்லை , எப்போ ஊருக்கு போனாலும் அவர்கள் அண்ணன் தம்பிகள் நான்கு பேர் " என்ன கொழுந்தியா எப்போ வந்த ? எப்படி இருக்க ?" என்று நலம் விசாரிப்பாங்க இதான் கிராம மக்களின் குணம் .
*****************************************************************
ஆப்பு : ஜாலியா ஊருக்கு போன நான் அன்ன ஆகாரம் இல்லாமல் 10 நாள் மருத்தவ மனைக்கும் வீட்டுக்குமே போயிட்டு வந்துட்டு இருந்தேன் , இந்த மருந்து மாத்திரை எல்லாம் எவன்யா கண்டு பிடிச்சான் ?. அதனாலேயே 20 நாள் நல்லா வீட்ல இருந்தாச்சு . வாங்கின மாத்திரையில் ஒன்னு கூட சாப்பிடல . அதயெல்லாம் பார்த்து பார்த்தே நான் இல்லாத நேரத்தில் வீட்டில் எனக்கு அர்ச்சனை நடக்கும் .
